و إيواسي مسلم على ذبح اليتيمين

من غارت اخيول العده و اترض بلجسام

تسلب غدت للعايله و تحرق بلخيام

فرت لأرض المعركه مذعوره ليتام

تاهوا يتامه اثنين عن الصواوين

فروا يخافون السلب و اتسحق الخيل

بالبيده هاموا و انهدم من عدهم الحيل

استوحش الوادي و صفوا من جلجل الليل

خوف و تعب حيره و حزن و بظلمه ماشين

من السهر من الضمه صك منهم الشوف

جوع و عطش حزن و هضم دوهنهم الخوف

لون الوجه ذابل صفه بالحيره مخطوف

نومه صفوا من التعب عالغبره غافين

فزوا على خيل العده حاطت عليهم

أشرار أميه ابلا رحم جتفوا إيديهم

للكوفه بسياط و زجر و امقيدهم

و بلا ذنب تحت القصر لنهم مساجين

قام الإخو ايسلي الإخو قصده يصبره

من شافه يبجي اعله الأهل و بعينه عبره

و الحارس ابباب السجن واقف ينظره

من يا عشيره إنتم نشد عمي إنتم امن انين

قالوا له من بيت النبي بيت الكرامه

فرينه من طف كربله أطفال و يتامه

مسلم ابونه و جعفر و حيدر عمامه

جدتنه يا عم فاطمه و العم الحسين

قام ايهمل عل الخد دمع يلطم عله الراس

يعني إنتوا اولاد النبي من أخير الناس

لازم أخلصكم حتم من ذوله الأرجاس

قام و فتح باب السجن قال إنتوا حُرين

طلعوا يطوفون السجج وصلوا ليم دار

طلعت تناشدهم مره من انين إنتوا يزغار

قالوا يتامه المسلم و من بيت الأطهار

صاحت فداكم كل هلي داري يطيبين

لاجن دهرهم يا وسف جار و غدرهم

لنهم ضيوف ابها المسه عند الذبحهم

جتفهم الشاطي النهر جذام أخدهم

لازم أنال الجائزة ابذبحتكم ألحين

قالوا له خذنا ابرفجتك سلمنه لزياد

و إنته تنال الجائزة و اتحصل لمراد

قلبه عليهم ما عطف و بقسوته زاد

و اتشابكوا عقب الذبح و بلايه راسين