ياراعي العداله.... مريوده الكفاله

وتصدقت خوتنه.... من الوطن طلعتنه

بشروط الجلاله.... مريوده الكفاله

عاده الكفيل بعزمه يرضي المكفول...... ويسر دليله

ويشگف مصايب دهره عنه ومسؤول..... من يمر ليله

شنگول يابالفضل عنك شنگول...... العندك عقيله

تعلم بغربتها...... وهاك إخذ صرختها

يالركزت رايتنه.... من الوطن طلعتنه

بشروط الجلاله..... مريوده الكفاله

ياللي كفلتني كفلت عگبك أيتام..... دهري سباني

من ضيعتني ضيعتني الأيام ..... فگدك لواني

من غمض جفنك جفن عيني ما نام ..... والهم علاني

من جمرة عتابي.... هاك إسمع خطابي

يالطيحتك حرمتنه..... من الوطن طلعتنه

بشروط الجلاله..... مريوده الكفاله

گطعت چفوفك گطعت دلالي..... وغيرت اثماره

سهم الشماته صابني وچتالي.... وتلتهب ناره

يوم اليسر ما چان يخطر بالي...... وعندك أخباره

يالزودك چساني..... بكل عمري وزماني

يالتنغار لخوتنه... من الوطن طلعتنه

بسرار الجلاله...... مريوده الكفاله

روحي على جسوم إخوتي بس تحوم..... بنار المصيبه

مالوم گلبي ياهلي ظل مالوم..... عج لطبيبه

يعگوب مثلي بالحزن ماظل دوم..... ينعى حبيبه

يوسف من مغيبه..... رد هوّد نحيبه

چم يوسف من إخوتنه.... ومن الوطن طلعتنه

باسرار الجلاله... مريوده الكفاله

نظرة موادع والموادع مايهون..... يصعب علينه

وشلون بينه ياهلي بالله شلون..... بساعة سبينه

عن كربله يستر ضعنه يردون..... وإنتم رهينه

منهو منكم يحضر.... للضعن لو سدر

وعلى السفر نيتنه... من الوطن طلعتنه