ربيتك يجاسم و اتعبت برباك....شهيد اتروح مني روح الله اوياك

إخذ صوغه لبوك الحسن من ادماك

خل يفرح و ايحني اجفوفه....و ارباي و مجهودي ايشوفه

للدين إنتصارك يولدي و عمك....صخيت ابروحك و بيضت وجه أمك

إخذ دمعة اعيوني و إخذ من دمك

لجفوف الزهره حنيها....تنصب لك مآتم خليها

ربيتك يجاسم و اتعبت برباك....ردت عريس أشوفك و أقضي عمري اوياك

حاربني زماني و خضبك بدماك

و اتهدم بيتي و صيواني....و أتحنه إبدمك خلاني

يجاسم والدك يوم الوضعتك بيه ....وصاني يرمله لولدي ربيه

لحسين و فدائي الكربله وديه

و الروح الزينب يفديها....تنصب لك مأتم خليها

هوت رمله اعله جاسم تصك بيديها....اعجنت حنت شبابك وين أوديها

و زفافتك يبني اشلون احنيها

ما تقعد سوي لك جاره

هوت رمله اعله جاسم تجذب الحسره....تشد طبره و تخيط بالدمع طبره

يا عريس مثلك حوفتك الغبره

و إبدم إصوابه إيحنونه....و إبليلة عرسه إيذبحونه

يجاسم يا ضوه اعيوني و يروح الروح....عفت امنصتك و اعله الترب مطروح

عمت عيني التشوفك يولدي مذبوح

و من دمك عجنوا حنتي