دمع العين طفه إشموعك دمع العين

غدرتني ايام الدهر يا جسام....تسعر ابوسط القلب نار الآلام

و اشلون اودعك يا سليل الأكرام....ياخذك من بين ايدي جف الأيام

ربيتك يا نور اعيوني لجل حسين

يا لحن عمري و يا أمل تغريدي....يا فرحتي و يا بسمتي يا عيدي

صدقني من أجري الدمع مو بيدي....و إعله القلب فقدك صعب يوليدي

يا وسفه اتروح من ايدي و يرميك البين

يا وسفه من ايدي يجسام اتروح....و إقبالي يا جاسم اشوفك مذبوح

لتلوم قلبي يا شهم خله إينوح....لو غبت عني اتغيب وياك الروح

و امن انين إجتني كربله يبني امن انين

لو رحت يبن الحسن يصعب فرقاك....وشتظن يبني لو رحت هم أنساك

إقضيت العمر بالفرحه يوليدي اوياك....و زفافتك وسط الحرايب تتناك

تتنظرك إجيوش الأعادي صوبين

قوم آل اميه بالحرب ينتظروك....ابدال الشمع برماح يبني يزفوك

و ابدم وريدك يا شباب ايحنوك....يا وسفه من داري التراب ايجفنوك

حياك روح إفدي النفس لجل الدين