زينب نادت و عباس يسمعها إجت متحيره و الخوف يدفعها

وصلت للجفيل و شاف مدمعها

بالرايه و سيفه إتلقاها أهلاً يا زينب ناداها

تقله الخيل قربت و العدد يكثر يمن بحماك إجيت و خاف تتعذر

دق صدره ابزعل و اشتد شبل حيدر

و الغيره اتهوس جدامه و الموت ايلاوذ بجذامه

طفح بحر الزعل و إتبخر و يرعد يقلها ابشاربي و ما اخلف الموعد

أخلي الرووس عثره و يوقع اليشرد

و التاهت سيفي ايدليها تبعد و الرايه اتغطيها

تقله إشلون توصل و النهر ملزوم عدد سبعين ألف و امحاوطينه القوم

يقلها الماي أجيبه و داعت المظلوم

و ينشال الشط اويه اجروفه غيرة عباس المعروفه

يقلها اوداعتج مذخور لطفوفي باجر ما يظل هالعسكر و شوفي

إذا يم الشريعه ايطيحن إجفوفي

بجفوفي اعليج اتعذريني و امهشم راسي اتشوفيني