عله العباس آهاتي.... عله العباس

عله العباس دمعاتي .... عله العباس

عله امصابه إنهدم حيلي .... صحت باحزاني واويلي

عله العباس عله العباس

آنه بت علي زينب و إسمعوني.... عله امصاب البطل عباس واسوني

لأن فقده هدم حيلي و عمه اعيوني.... ابعينه و هامته و جفينه فجعوني

صحت ويلاه لمصابه .... صحت ويلاه

صحت ويلاه بغيابه.... صحت ويلاه

يدمعة ناظري سيلي.... صحت بأحزاني واويلي

حين الطاح أخويه اللي كفل خدري.... فجع قلبي مصابه و إنشغل فكري

طلعت امن المخيم عبرتي ابصدري.... صفت دمعاتي لجله من دمه تجري

قمر دنياي فارقني.... قمر دنياي

قمر دنياي ضيعني .... قمر دنياي

ابحزن صارت تراتيلي.... صحت بأحزاني واويلي

جفيلي و للنهر آنه تعنيته.... وصلته و عالوطيه نايم إلقيته

ردت ينهض يحاميني تمنيته.... أخويه و من عتبت اعليه أذيته

بلايه اجفوف شاهدته .... بلايه اجفوف

بلايه اجفوف حشمته .... بلايه اجفوف

ابدمه غايب بدر ليلي.... صحت بأحزاني واويلي

أويلي من نظرته سابح ابدمه.... و منه هامته ابعامود متهشمه

عليه ظليت أحومن و اقعدت يمه .... انهدم حيلي و بعد ما بيه كل همه

أرد اشلون بآلالامي.... أرد اشلون

أرد اشلون لخيامي.... أرد اشلون

شجاوبها المداليلي.... صحت بأحزاني واويلي

إجيت ابحسرتي و آهاتي واونيني.... عفت يم الشريعه من يباريني

أحس مثله اقطعوا يسراي و ايميني.... و أحس سهم الطفه عينه طفه عيني

ابغيابه القوم هضموني.... ابغيابه القوم

ابغيابه القوم ضربوني.... ابغيابه القوم

عدو ظالم مقابيلي.... صحت بأحزاني واويلي

عفت عباس إخويه ابمصرعه دامي.... أشوف اعداي تسلب تحرق إخيامي

شفت كل إخوتي مذبوحه جذامي.... و يا آلالام بالله التشبه آلالامي

حرت يا ناس بآلالامي.... حرت يا ناس

حرت يا ناس بأيتامي .... حرت يا ناس

فقدت اللي يباري لي.... صحت بأحزاني واويلي

وجهي للغري بأحزان صديته.... حيدر والدي يحضر تنخيته

يريت ايشوف حالي اليوم يا ريته .... أريده يدفن الأجساد ذريته