يا القاصد للحرب ..... يا سباح القلب

يبني و عقب الربه ..... أتحنه امحسبه

يا سباح القلب

يا بدر بالوصف كامل تظلم أيامي ابغيابك

للحرب رايح يجاسم و بعدك ابزهرة شبابك

قلي هالليله زفافك يبني لو ليلة مصابك

للعرس نصبوا حوفتك..... جا ليش لابس لامتك

و للحرب رايد زفتك ..... اشرايك و شنهي جوابك

إلمن أعلق شمع ..... ما طول أهمل دمع

و للنوح امعصبه ..... أتحنه امحسبه

يا سباح القلب

الوالده يبني التربي ساعه ما يطبق جفنها

تتعب و ناتج تعبها تنتظر يكبر إبنها

تفرح اوياه ابفرحها و تحزن اوياه ابحزنها

يوليدي و التالي العمر ..... لمن يوافيها الكبر

جذامها اتطب للقبر ..... و انته لتولم جفنها

يبني و جان الأمل ..... لو وافاني الأجل

تجفيني اتزهبه ..... أتحنه امحسبه

يا سباح القلب

مهدك الما عفته ساعه هوه شاهد عن حنيني

لا نهاري البيه أهود و لا ابليلي التغفه عيني

و ابليالي ارباك تدري اتلفت يا جاسم اسنيني

و ارباك حيلي غيره ..... يوليدي من اتذكره

اتنام انته و آنه امساهره ..... و حصتي منك ونيني

رك اعيوني السهر ..... وني ايذوب الصخر

قلبي الون عذبه ..... أتحنه امحسبه

يا سباح القلب

يبني ما مر اعله بالي هالخبر هذا اللفاني

ابليلة الزفه يجاسم بيك يفجعني زماني

و قلت يا سلوة حياتي تذكر ارباي و حناني

من اسمعت هذا الخبر ..... حيلي انهدم قلبي انكسر

يوليدي صوبني الدهر ..... و بسهم غدره رماني

جاسم يبن الحسن ..... غادر هذا الزمن

جبد أمك صوبه ..... أتحنه امحسبه

يا سباح القلب

و جاسم اليسمع عتبها و ينظر الدمعة بجاها

و شيجاوب و شيقلها والده و تطلب رباها

ايريد من عدها الموادع و بالحرب رايد رضاها

ناده ابألم يا والده ..... عمي غريب الوحده

و اعليه ملتمه العده ..... و هالخبر هذا حناها

يبني اشلون أعترض ..... و نصرة عمك فرض

راح أبقه امدولبه ..... أتحنه امحسبه

يا سباح القلب

اتقله يوليدي عزيز اتروح تالي من اديه

لجن يجسام أقدمك المهجة الهادي هديه

و بالحشر أعتني يبني ابوجه أبيض للزجيه

جاسم يراعي الغانمه ..... لمن تشوفك فاطمه

متخضب ابفيض الدمه ..... ترضه يوليدي عليه

و الوالد لو نشد ..... وفيت آنه العهد

و اتحقق مطلبه ..... أتحنه امحسبه

يا سباح القلب