محلى الگرايب يوم ...... تتناخه عالملزوم
واليثگل يشيلونه
هاشم سباع الكون .... هاجت بيوم النبيه
صاحت بوجه الكون .... وأخذت الكون الهيبه
وتصوب المسكون ..... منهم بسهم الريبه
حمل الگرايب يوم ..... بيه العمام تقوم
واليثگل يشيلونه
عند الحمايل هاي .... عاده وسنن مشروعه
لو سمعت النخاي .... تفزع تسچن روعه
تتبع عجيد الراي .... تسري السريه بطوعه
تتبع هوى الجيدوم .... لو هبت على الگوم
واليثگل يشيلونه
هاشم نعم من گال ... هاشم يا حي طاريها
هاشم ويا حي فال ... هاشم وباس البيها
هاشم ذچر عالبال .... ما ينكر ماضيها
وأخذت بغالي السوم ... بالغانمات علوم
واليثگل يشيلونه
هاشم بحد الباس .... نشرت علم للهمه
واليثگل على الناس .... يوم الثجيل تزمه
ولو رف لوى العباس .... شمل العمام يلمه
للواجب المرسوم ..... هاشم تبيح دموم
واليثگل يشيلونه
هذا السمت والشان .... والف مچارم هاشم
وانحفظ بالوجدان ... والبيه تحفظ غانم
وهالسمت والإحسان .... عضد بعضد متلازم
واللي تود وتروم ... هالعز تدوس اللوم
واليثگل يشيلونهمحلى الگرايب يوم
ديوان السادة
27
سطرًا