قوم الزينب ياواليها

يا العايف زينب وحدها محتاره ابعيله و ما عدها

و محد يحسين ايساعدها ليش ابها الحاله امخليها

انهض و تصور حالتها و عاين ذلتها و غربتها

من عقبك حرقوا خيمتها يحسين و أطفالك بيها

ظلت يا مظلوم امروعه يا هو امن النيران اتطلعه

كل سا لن ايتيم اتطيعه و بالنار ايروح امن ايديها

لا تقدر توصل لخيامك لا تقدر تترك أيتامك

حط حالة زينب جدامك يا مظلوم و عاين ليها

هاي اللي جانت محجوبه عد حيدر هاي المهيوبه

اتخليها امحيره و مسلوبه بالطف و اخيمها امحرقيها

هاي اللي جانت عد حيدر ابهيبه و محد ليها اتفكر

تالي اتذبها ابين العسكر و تمشي بحبال امجتفيها

ساعه اتحير ابجمع اعيالك ساعه اتهود ابواجي أطفالك

ساعه اترد و تتعنالك حالتها اقبالك تحجيها

ساعه اتقوم ابحسره اتنادي يبن أمي و يا روح الهادي

و الله اتفطر خويه افادي من أطفالك و ابواجيها

بالطف امحيره اتخليني الجمع أطفالك يصبي عيني

و آنه العدوان اميسريني بالصوت امتوني اموسميها