انهار العاشر ابعاشور بالحومه وحيد احسين

عين اتصد للمخيم و الصوب الشريعه عين

قلي اشلون يالمهدي قلبك ما نفذ صبره

جدك بالمعاره اوحيد ريتك حاضر اتنظره

ينادي و ماكو من هالناس من يفزع له و ينصره

فوق العلقمي عباس اجفوفه و رايته ابكتره

ابذيج الساعه يالمهدي و احسين انحنه ظهره

ينظر أهله و أنصاره بس الجثث متوذره

و ما بين الجثث يفتر و ايعاتبهم ابحسره

هذا ايقلب اجروحه و ذاك اللي يشم صدره

ناداهم ابصوت البيه يذوب الصخر و ايفسره

يهل الشيم يا طيبين كافي النوم عالغبره

قوموا و شوفوا أبو اليمه وحيد و حاير بأمره

بعتابه الجثث هزها من سمعت ابن زهره

و لو ما هالقدر محتوم ما واحد بده غدره

لكن يا ألف وسفه عودهم ابحتفه البين

يالمهدي و أظن ياذيك هذا الخبر من أحجيه

ريت اتشوف عبدالله يصرخ و العطش ماذيه

و لمن جابته أمه و الزينب تعنت بيه

تقلها هاج يا زينب و هذا الطفل مني اخذيه

و خاف امن البواجي ايموت و قام ايلوع مدري اشبيه

جف امن العطش ثديي و ما عندي حليب أنطيه

و قومي اتعني للحومه يا زينب لبوه وديه

من القوم يطلب له شربت ماي خل ترويه

و زينب جابته لحسين قام ابدمعته ايناغيه

ناداهم يهل الوادم هذا الطفل من يسقيه

ذاب امن العطش جبده شنهي ذنبه لمسويه

صد لن حرمله ابسهمه و بنحر الطفل يرميه

و ابجفه تلقه الدم و قام ابلوعته ايناديه

يبني اشتجي عند جدك يوم المحشر يجازيه

و لمن رد للمخيم و صاح العمته رديه

قالت له يخويه احسين عن عيني الطفل وديه

و من رد المهر خالي و طلعت تلطم النسوان

هاي الشعر ناثرته و ذيج الفاقده الوجدان

بس احسين ظل عدها ما ظل بعد من وليان

و من ايروح هالعيله تطيح ابولية العدوان

و لن زينب ابعالي الصوت صاحت و القلب لهفان