من عيني المدمع سال لمن شفتك يهلال

يا الحيرتني و شذكرتني

لمن شفتك يهلال

يهلال شهر الفاجعه و شهر النوح تتلاوح أشباح الحزن حين اتلوح

آنه الجريح و قلبي منك مجروح يا ما دعيت ابدمع دامي و مسفوح

من شفتك حيلي انهار و اتذكرت اشما صار

م_ن ل_وع_ت_ن_ي و شذكرتني

من شفتك ابصوت النوايب ناديت يهلال ريتك بالحزن لا هليت

غايب تظل طول الحياة اتمنيت اشخليت من عترة الهادي اشخليت

بالطف خليت أبدان تتعفر بالتربان

و امصابي فتني و شذكرتني

يهلال خليت ابقلبنه جمره كلما تهل لجلك نهل العبره

نذكر اشما حل و جره عالعتره و نذكر شبيه المصطفه اعله الغبره

منك شفت اللوعات أنسه الأكبر هيهات

حاير شفتني و شذكرتني

كلما أشوفك قلبي يكثر همه و تستعر بين إحشاي نار الصدمه

اذكرت الشباب اللي تحنه ابدمه و أتذكر الحاله البيها مرت أمه

ت__ت__راوال__ي الآم و أذكر رمله و جسام

يالصدعتني و شذكرتني

يهلال منك نفذت اسهام البين و بسهمك اتصوبت بالطف يا عين

مهما يطول العمر و اتمر اسنين للموت ما أنسه قطيع الجفين

و اعيوني اشلون اتشوف عباس ابغير اجفوف

اسهامك رمتني و شذكرتني

يهلال شفتك و الجبد ظل يسعر و اتذكرت مصرع قطيع المنحر

سبط النبي المختار جسمه اتوذر و امخيمه ابنار آل أميه اتوجر

بمصابه احملت اهموم و اشلون أنسه المظلوم

يا الشيبتني و شذكرتني

لو ناشدت سبط النبي بيا حاله عل الأرض مرمي و داسته الخياله

و من بعد جتله اتوجهو لعياله ابحافر الخيل اتسحقت أطفاله

و حين اذكرت الطفال هاك اسمع قلبي اشقال

يالفاجأتني و شذكرتني