من كل راس خلها تنزف الطبره نواسي حيدر الكرار و الزهره

حيدر حيدر يا كرار

ما يكفي حزنه و لا دموع العين نحس لبن الزجيه اديون مطلوبين

نلطم بالسيوف الماضيه اعله احسين شنجازي الفده دم شيعته بنحره

هذا أبسط ولاء العدنه و انقدمه شرفنه تعلمنه شرف اسمه

اشلون نعز دمانه اعله الفده دمه و خله كربله من الدمه حمره

نواسي انريد أمه الطاهره و عوده نواسي طبرة اللي قطعوا ازنوده

نخلي الرووس تتقاطر مثل جوده و مثل نزف الجفوف اليمنه و اليسره

نواسي بالطبر عريس المطبر نواسي اجروح تنزف من علي الأكبر

و سهم ذاك الرضيع الطوكه المنحر الطفل و اشهور ما واصل بعد عمره

عله الهامات نطبرها يسلوانه يعيش ابكل ضمير احسين ويانه

نريد ابكل محرم ينزف ادمانه و تسعر للحشر بحشانه هالجمره

نواسي ادموع زينب من دمه الهامات و خل لطم المصاب ايصير بالقامات

و خل الرووس دمها ايخالط الدمعات و كل قطرة دمع من الدمه قطره