اتهيج أحزانه و تكبر مصيبتنه من نسمع أخبار اتمس عقيدتنه

عقيدتنه ورث مو وارد و تصدير و انحافظ عليها ابكل وعي و تدبير

و ثقافتنه اللطم و المشق و التطبير و بيوم الطبر حفاي مشيتنه

أتجفن و أعلق سيفي بجتافي و امشي اتعلمت حر و برد حافي

عهد منطي اعله نفسي اشلون ما وافي و هيج أهل العلم من كَبُل علمتنه

آيات الذكر كَالت متتحرف و سر الله الحسين امن النبي امعرف

و انته جاي هسه ابراسي تتثقف ذخد ليك الثقافه و عوف عادتنه

قبلك شايفين امثقفين اهواي ما واحد قرب يم الشعاير هاي

و لو مس العقيده انخالفه بالراي و لو بالسان اتردعه صولتنه

ايهز إسمك طواغيت الدهر يحسين تخوه اعروشها و يسحق عليها البين

متكلي سبب سر هالمهابه امن انين و هذي امحبتك يحسين جنتنه

بالك لا تفجر دمعة المظلوم هذا الجان ظامي و انذبح محروم

الماي اللي تشربه الطايره و الهوم جيه منه انحرم نسقيه ابعبرتنه