طِلّسم يحسين حُبّك طِلّسم فدوه أنه يحسين اروح الهالاسم
* * * * * *
طِلّسم حبّك سَحر اهل العشگ او خلّت اسراره الگلب باسمك يدگ
الروح شمعه ومن تذكرك تحترگ تحترگ مشغوفه بيك وتبتسم
* * * * * *
تبتسم روحي وعليك اذرف دمع وتاخذه الغيره الگلب من يستمع
ايريد يتعنّاك ويردّه الضلع ويرجع الصدري لچنّه منسجم
* * * * * *
ينسجم گلبي عليك وما يهيد يون والونّات تسري اويه الوريد
وأحس كل ونّه التمر ماتم جديد ينعقد كل ساعه باركان الجسم
* * * * * *
يا سحر هذا اليخلّي هالگلوب من يمر ذكرك يبواليمّه تذوب
الروح ليش اعليك كل ساعه تلوب هذا سرّ رباني وأحسملك حسم
* * * * * *
وسرّ خلودك مثل سرّ حبك عجيب ما شفت كل عمري مثله يا سليب
يا غريب الصار مثلك يا غريب اءله بكل دلاّل يالضامي رسم
* * * * * *
يا غريب الگلب مثلك جسّمه ويا جريح وجرحه شفه باسمه
ويا شهيد وگبره مو بارض باسمه وانعكاس الگبر بالطف مرتسم
* * * * * *
گبرك امتدّت جذوره بالطفوف لاچن اطباِ السمه الگبرك سقوف
واحنه والاملاك عالمرقد نطوف قِسم تبچي اعليك واتواسي قِسمطِلّسم يحسين حُبّك طِلّسم
قصائد قريبة من الجو نفسه
ديوان السادة
22
سطرًا
