طفله و تهل دمع الهضم ....و اتنادي يا بويه احسين

طفله و عليله بالغرب .... تعتب و مدمعها يصب

و العين تربي اعله الدرب .... و الزمت بالإيد القلب

محتاره لاوين الوجه .... ما تدري تقصد لاوين

محتاره بآلام المرض .... علتها تسري ويَ النبض

لو ترفع الصوت انخفض .... و ابعينها الموت انعرض

اشحال اليمر بيه الأجل .... و ايشاهده شوف العين

و الأجل ياخدها و يرد .... و اعيونها للطف تصد

تحسب الساعات و تعد .... بلجن يصيح الها نشد

و اتسأله عن حال الأهل .... وين هالطيبين

الفقد الأهل تبجي و تحن .... من علت البيها تون

مسكنها أبد ما ينسكن .... فقد الأهل صارت سجن

مسجونه ما بين العلل ....و الوحشه صارت علتين

هالطفله بحلوق الخطر .... تبجي و تهل دم النظر

لجن و لا عدها خبر .... والدها بن سيد البشر

فوق الوطيه و جثته ....متخضبه ابسهم البين