همت و امواج عيني اعله الوجن تهلي .... و رحت لم البنين أنشدها عن أهلي

شفتها امكدره و متحيره مثلي .... قبل ما عنها أنشد ناشدت عني

قالت يا العليله ايصبرج المعبود .... اصبري ان شاء الله أبوج ايعود

و مثلما راح ياريته يرد اردود .... و عسه الباري يحقق ظنج و ظني

قلت الها و غدت تآكل ابقلبي النار .... ما وصلتني من الأهل كل أخبار

يا أم البنين ابعيني وحشه الدار .... و من بعد الأهل هالدار ما تلمني

عقب ما خففت عني حنين البين .... قادتني و خذتني الدار أبويه احسين

و دار أهلي خليه وشتشوف العين .... أنسه و المحن بيهم يذكرني

عسه ابعيد البله و ريت الكدر يبعد .... اشننسه من هلي و فقد الأهل يضهد

ويه احسين أبويه اهنا جنت اقعد .... و عماتي و خواتي اهنا يبارني

و اهنا جنت أجي و جان القلب مستر .... و ابكتره يقعدني علي الأكبر

أشوف امجانه خالي اشلون ما أقدر .... ياريته اليوم حاضر يستمع حني

و اهنا جنت أجي و للطفل أتفقده .... عبدالله أناغيه و أهز مهده

و اسكته لو بجه و أقعد و أشم خده .... ابعبدالله الليالي ما ينسني

أشلون أنسه هلي و أنسه لياليها .... و رقية اهنا جنت أقعد و أحاجيها

ابعدت عني و بقيت أنظر و اتانيها .... حزينه و الغصص بعدي اشيراويني

أشوف امجان أهلي مظلم و خالي .... أشوف الدار مهجوره و بلا والي

يا أم الأربعه حالج مثل حالي .... و عمماي البين أخذهم منج و مني