جرعت امن النوايب جاس مرهان

و جسمي اعله أشفار الموت مرهان

من يصعب علي المرض مرهان

ابدار أهلي و غريبه اشلون بيه

على هونك يا حادي النوق تنواي

أشوف اضعون أهلنه وين تنواي

عليله و فوق علتي ابنار تنواي

و روحي من لهيب الغاضريه

عليله ابعدد خلاني علي وين

و كلمن ينظر الحالي علي ون

وين القمر واعدني علي وين

شهر صار و فلا مروا عليه

دليلي للنحب و النوح ما عاد

عله الراح و بعد للدار ما عاد

أخلص امن الحزن ما عاد

و أشوفن والدي مجبل عليه

يمسلم للقلب فقدك يتيمه

الدهر ما راد لهلالك يتيمه

يبويه و صرت من زغري يتيمه

ابمغيبك جارت الدنيه عليه

انهدم بيتي و جسمي اعليك من حال

و جتفني زماني ابقيد من حال

و صرت عقبك يبويه ابحال من حال

يتيمه و الحزن خيم عليه