عگب عزنه يبو سكينه.... صرنه نتستّر بدينه

فرهدونه أسِّرونه مارعونه

************

ضاع عمري بفقد عمرك .... حته و لروحي سبوها

خلها و الدمعة تخِبرك .... يا جناية الماجنوها

من عفت لعداك نحرك .... و الخيمنا حوِّطوها

داست الخيل على صدرك.... و الاعادي وجِّروها

لاذت يتيمة بيتيمة .... صِرِت ليتاماك خيمة

استوحدونه اسّرونه ما رعونه

***********

حال طفلة من المخيم.... خل أسولف خوية عنها

بيها و النيران تضرم.... و اليطفي النار ونها

ليها بن مسلم تقدم.... نادت بدمعة حزنها

آه يا شيخ و بية تعلم .... و الفواطم آنة منها

تقله أحلفك و بنبينه.... انت منا لو علينه

الحاربونه يسّرونه مارعونه

**********

هاي حالة طفلة جانت.... من يتامى الغاضرية

و الظعينة بينا سارت .... بلا ولي صبح و مسية

طفلة وسط الدرب تاهت.... ما دِرَت بيها البرية

ليك و بغربتها نادت.... قلي بوية شلون بية

عالرمح راسك نظرها.... جابوا الطفلة بأثرها

الروِّعونه يسِّرونه مارعونه

***********

تنوح طفلة بالخرايب .... خوية نص الليل قامت

تصيح وين العود غايب.... ليها كل الحَرَم ناحت

قلي ليها شردأجاوب.... شوفتك يا حسين رادت

منها و الدلال ذايب .... ليك يالمذبوح شافت

حضنت لراسك ولينه .... راحت الطفلة من ايدينه

و افجعونه يسِّرونه ما رعونه

**********

مانشف سكنة دمعها .... عليك و آنة عليها دمعي

غدت شبه الروح ونها .... و اليِوِن بالغُرُب ضلعي

مدري اسولف من وضعها .... لو ابيِّن ليك وضعي

و انت حمّاها و درعها.... و أنت يالمذبوح درعي

طِحِت بأرض الغاضرية .... عقب عينك آل امية

سلّبونه يسّرونه مارعونه

*********

جم سهم يبن الزجية.... لاح بية تجرعيته

لاجن الاعظم عليه.... الذبح ليكم رافجيته

و العلم فوق الوطية .... و الكفلني ودعيته

انهدمت الأكوان بية .... و العَمى لعيوني ريته

لا اشوف بعيوني تالي.... و بطشت راسك يا غالي

يضربونه يسّرونه مارعونه