يالرحتو ابضعينه * أشعدكم بالمدينه

يا هل الشيم* عندكم بعد طفلة وعليله

********

أححي ابدمعتي* وجمرة حسرتي* ياراحلين ابهالضعن أترجه منكم

دمعاتي من دم* والباري يعلم* أترجه وطلب هالطلب يرجع ضعنكم

خذتوا الرحيله *عفتوا العليله *قابلت دار الخاليه وتنشدها عنكم

من رحتوا عنها*ا تكاثرحزنها* تصرخ بعدكم يالأهل موحش وطنكم

ابهدار الخليه *ونته خفيه* ما عندها والي ولا سند طفلة وعليله

*******

عالفرقه تنحب* مهجته تلهب* هاي العليله فاطمه أشتدت عللها

ابوحشة كدرها*نافذ صبرها* جان الأمل بيكم بعد فقدت أملها

جمرتها تسري *ودمعتها تجري* هالدمعه صارت علوجن من دم تهلها

جبدتها تسعر* يا طفلة تقدر *تحمل مرارات العلل وفراق أهلها

من لوعة دهرها* تتأمل صبرها* حتى الصبر منها انفقد طفله وعليله

********

هالطفلة ناحت *وبهمها صاحت* دار الأهل عقب الأهل ظلت خليه

جمرت غليلي *حرقت دليلي* وأنا أعله فراش المرض شفت المنيه

محد لفاني* ظليت أعاني* نار الحزن نارالعلل نار الأذيه

وآنه ويه نوحي* احجي ويه روحي* ياروحي هالفرقه أشكثر تصعب عليه

وتفطر قلبها* من همها وعتبها* من الزغر حملت شدد طفلة وعليله

*******

من فارقوها* اشقد ألموها* خلوها تعثر بالمحن والهم لفاها

عن هالمصايب *المن تخاطب* ما تدري وين ليا كتر تبعث نداها

عافوها كلهم* تنحب لجلهم *ولياها غابت والأمل غايب وراها

ابدار المناحه* ما ألها راحه* هاجر أبوها وفكرت يمكن نساها

وتفكر بهلها* واشتدت عللها* واعله الصبر بذلت جهد طفلة وعليله

********

ابقسوت دهرها* تفكر بأمرها* يامهجه تقدر تحتمل هاي المصيبه

والي هضمها* زيد ألمها* دار الأهل لكن تحس مثل الغريبه

بهلحاله ظلت *امن اللوعه ملت* يادار اهلها أصبحت وحشه وكئيبه

دنياها جارت* واعليها دارت* ذايب قلبها و الغصص فجر لهيبه

دلال الحزينه *ما بطل ونينه *حته الصبر أله شهد طفلة وعليله

*******

من رحتوا عنها* ساهر جفنها* مالحظه غمض هالجفن طول الليالي

مشتاقه الكم* تبجي الفقدكم *مهمومه وتصيح بحزن ما عندي والي

مشغوله بيكم *حزنت عليكم* صاحت عقبكم يا هلي محزونه تالي

والي فجعها* فجر دمعها* من شافت مجان الأهل من عندها خالي

حسرتها ابصدرها* وشغلتوا فكرها* رحتوا وخبركم ما ورد طفلة وعليله

****