حماي الدخل يحسين * كل الأوادم يشهدون

بر وبحر مو منكون * جن وانسن يعترفون

بس وحدة يا بو اليمة * العقل من عندها ظل مذهول

شلون انهضمت سكينة * سكت ولا قلت بحماي

حسين يا حسين يا حسين حسين يا حسين يا حسين

عزيزة قلبك وجتك *شلون الشمر يدناها

روعها وبجت يمك * وأنت تسمع بجاها

من الخوف لاذت بيك * غير يكون تحماها

تناديك برفيع الصوت * يا بويه ويا بعد جلاي

يبويه من قطع راسك * ومن هو الي سلب ثيابك

يبويه غطه كل مصاب * مصاب الما جرى مصابك

عسه ابعيد البله امخضب * ومن فيض الدمه اخضابك

قبل لا شوفك ابهالحال * يا ريت انعمت عيناي

عمت عيني ولا شوفك * ذبيح ويجري دم نحرك

وأنصارك وأهل بيتك * ضحايا مطرحة بكترك

يا ريت اتعقرت هالخيل * ولا جالت على صدرك

يا ريت الموت أخذ عمري * شلي بعمري عقب ولياي

شلي بعمري انقصف عمري * وعمري بدين عسى الما طال

كنت محجبة بزغري * ولن مجتفة بحبال

بين اخوتي بهيبة وعز * ولني بين قوم أنذال

بلبل طوح الحادي * مدري بيا كتر منواي

يبويه جنه صار الصار * وعطشان الكفر ذبحوك

ليش بهالشمس عاري * ليش بكفن ما لفوك

ليش على الرمح راسك * ليش بلا دفن عافوك

ليش تسلب حجابي * صلات أتستر بيمناي

ردت أنصب مناحة عليك * ليش الكفر منعوني

ليش عيوني من تدمع * بكعب الرمح ضربوني

ليش أقطع دروب بعاد * عنك غصب مشوني

أي والله يا بو اليمة * جرعت الحنضل من عداي