ظعنك من طلع امن المدينه ...... يحسين يحسين

سار النصر اوياك ...... بيه ايرفرف الواك

ظعنك من طلع امن المدينه ...... يحسين يحسين

نسمع الوادم تحدث بالرياسه العالميه

شلها آثار الرياسه و فضل شلها اعله البريه

هاي كلها اتروح تالي و ما تدوم المركزيه

لكن يمخذوم الملك ...... خل ينظر العلم الك

اشلون الإله امفضلك...... بالشرف و المعنويه

يحدي بالظعن حادي الظعينه ...... بس راد بس راد

العالم كله ناداك ...... بالتلبيه و حياك

ظعن يحمل أجل و اشرف سلطنه و أعظم زعامه

ظعن بيه نور النبوه و هيبة الحق و الامامه

ظعن وياه الأملاك امسيره لجل الخدامه

ما سمع واحد بالدهر ...... مثلك يبن سيد البشر

بيه عالكفر نار و خطر ...... و بيه للعالم سلامه

من صار اشكثر بيها السفينه ...... طوفان طوفان

و انته أصبح بمسراك...... العالم كله حياك

و حدث التاريخ عن النبي اسليمان و زمانه

ايقول جن و إنس جانت تخضع المجده و كيانه

خل ايجي اسليمان ينظر ظعنك و هيبته و شانه

طول الدهر يمشي الظعن...... و ما مر عله اديار ووطن

إله و سجد لجله و أظن ...... حته الأملاك بسمانه

ينهه و يآمر بخاتم يمينه ...... اسليمان اسليمان

و انته الباري خلاك ...... تخضع الك الأملاك

و بعد نسمع بالخليل النار لمن وكع بيها

ايقول برد و سلم صارت و العده فقدت وعيها

و هذا واحد و الإله الأنبياء يمن عليها

يا حسين و انته من اظعنت ...... قطرات من دمك خذت

و للغاضريه اتوجهت ...... و الحرايب رحت ليها

نار أهل المظالم يا ولينه...... طفيت طفيت

بهذي قطرت ادماك ...... و أحييت المله اهناك

و الكليم الباري لمن أرسله الفرعون خصمه

ايرشده و يصلحه و يعدله من الضلاله و جور حكمه

راح لجن راح خايف و هو من عزم الله عزمه

و انته رحت يبن النبي ...... الفرعون أميه الناصبي

ايزيد الخبيث الأجنبي ...... و اكلبت عرشه و ظلمه

اتخلي الظالم السلطه ابيمينه ...... هيهات هيهات

و بسيفك الفتاك ...... انكلبت دولة اعداك

و المسيح انجان أحيه الميت و بمهده تكلم

انته أحييت الديانه و ساس كل باطل تهدم

و كمت تتكلم و راسك عالرمح مخضوب بالدم

يا نبي اللي مثلك وكف ...... هالموقف و نال الشرف

لولاد آدم ما عرف ...... يا حسين و تعلم

آمر كل نبي و حته نبينه ...... المعبود المعبود

بظعنك تمشي ترعاك ...... و لو تآمرها تفداك

اشتبه كلمن يظن بيك اطلعت من الوطن خايف

من انين خايف يبو اليمه يا عجب من يا مواقف

انته أشجع كل شجاع و يعجز بوصفك الواصف

لكن يبن عقد الوله ...... من عاصمة سيد المله

عرشك نقلته الكربله ...... و هاي حكمه و بيها عارف

الله آمرك تحي له دينه ...... من حيث من حيث

و تصبح قائد اهناك و العالم رعاياك