اجروحك يحسين ابدلالي اتعيش ابوجداني و تبرالي

تهضمني و ما ترحم حالي و يومك يحسين أبداً ما نسيناه

الحر ما ظن يغفل عن يومك قلبه ايضم يحسين اهمومك

تنزف من اجروحه ادمومك وي دمع العين دم نحرك جريناه

نحيي ابدمع العين امصابك و انحس وسط الروح اصوابك

محترقين ابنار أطنابك جم دلال من جمرك جويناه

بالروح انطفيها اخيامك بالعبرات انروي ايتامك

انعيش انموت انظل خدامك ومن عاشور كل حزنك بديناه

من عاشور اتورثنه الهم كل عاشق عالون اتعلم

دوم ابقلبه الحزنك ماتم لا عاشور لا همك جفيناه