يالحادي رايح وين و اشلون أعوف احسين

فوق الوطيه بالغاضريه

و اشلون أعوف احسين

قطع كل ظن بعد وي سكتت الحومه و مشه ظعن اليسر متعني بهمومه

و بت المرتضه عالناقه مهضومه محزونه ابهضم مسلوبه مظلومه

اتنادي ابقلب محروق هون يحادي النوق

أهل الحميه بالغاضريه

و اشلون أعوف احسين

وين اتريد بعيال النبي الهادي هلي ظلوا عله التربان يالحادي

القلب جالطير ظل ايحوم بالوادي مفجوع ابوادي كربله اينادي

يم الضحايه اينوح يرفس رفس مذبوح

ايتاني المنيه

أعوف احسين قلي اشلون أعوفنه أخاف ايقول زينب قطعت الظنه

ما مر يوم أخويه و ما أشوفنه و لا يوم الجفه جذمي و رحل عنه

إبن أمي أعوفه اشلون عالغبره ما مدفون

يعتب عليه

و أعوف اشلون جاسم لو علي الأكبر كواكب من عقيل و كوكبة جعفر

يحادي اشلون أعوفن ولدي ابها البر أعتن بالقلب و يقلي ما أقدر

ما عوفن الوليان نومه عله التربان

ظلوا رميه

اشلون أمشي يحادي و يه قوم أرجاس و أعوف اعله النهر راعي الوفه العباس

يعاتبني الدرب كله امن اصد للراس تنشدني اعله كافل خدري خاف الناس

خاف الشماته اتهول وين التهابه افحول

الذاته وفيه

يحادي إرحم غربتي و ذلتي و حالي هذا أول سفر أمشي بلا والي

و يطخ راس الدلال البلإخوتي عالي اشلون أمشي ابظعن من القمر خالي

كون إخوتي يدرون يالحادي ما يرضون

أمشي سبيه