يمهدي ابنوح أنه المذبوح

اليشفه ابطلعتك صدره

يا غيض الكرامه الما نفذ همه و راعي الثار ما ظن يحوج انحشمه

أنه يبن الحسن جدك أبو اليمه لسا نحره ينزف ما نشف دمه

و أظل كل يوم أحشمك گوم

ابعجل يا غايب العتره

بيه اشصار أظن يبن الحسن تدري آنه السلبوني و قطعوا نحري

شمر يالغايب ابرجله رفس صدري و حين اللي نظرني سلمت أمري

سفك دمي سحق جسمي

يمهدي و شتم الزهره

يبن الطلعتك مشبوحه أنظاري إذا ما هزت يالمهدي أخباري

ماريدك تقوم و تطلب ابثاري أريدن ثار طفلي الدمه ظل جاري

گلبي ايلوب أنه المسلوب

الظل عاري عله الغبره

و أذكرك من طلعت و جذمي يتعثر و دمعي اعله الوجن يلمهدي يتفجر

صحت يهل الرحم جبد ابني يتفطر و لن أنظر رضيعي امقطع المنحر

الطفل ذبحوه ابسهم فطموه

و ظل دم النحر مجره