يا حسين اوياك دنيه و آخره حبك اويه أعضانه مسره الدم سره

سره اويه الدم و امتله ابكل الجسد و اعترف كل عضو ابهلحب و شهد

و احنه يوم الجنه نرضع بلمهد عله امصابك دفق مدمعنه و جره

احنه ما عدنه وعي ابذاك الوكت أشلون لمصابك مدامعنه تكت

إنته يا حسين التعلمنه جنت بالمصاب الصابك و ضيمٍ جره

و اعله هذا الحب ربينه امن الزغر و من يهل عاشور لو ذكرك يمر

نلعن الظالم و أصحاب الغدر البلسقيفه اتحاشمت ضد حيدره

لون ما شوره السقيفه اتساعده و لنذال القبل جانت حاقده

ما جرى اعله الشيعه كل هذا السده لون ما خلفو نهج سيد الوره

الهجموا اعله الدار و بأبشع وضع صوبوا بالباب من فاطم ضلع

بيا ذنب مهضومه و اتهل الدمع بضعة المختار هاي الطاهره

ضلع أمك يا حسين الكسرته ابخيلها صدرك الطاهر رضته

جبدك الضامي ابسهمها صابته و يا ذبيح المثلك انحز منحره