يا مسلم اسمع شكوتها طفله اتناديك ابدمعتها

اسمع شكوتها و حاجيها اعليك ادموع الهم تجريها

طفله و تنشد عن واليها جاوبها و إرحم غربتها

غربتها الما تشبه غربه الجيتك تتنطر تتربه

فقد الوالد تعرف صعبه يا هو ايرد غيرك وحشتها

وحشتها الغيرك ميردها الجيتك إنته المواعدها

طالت غيابك يا والدها انظر يا مسلم محنتها

محنتها الما حد وصفها دمعتها الما حد نشفها

تنظر لحسين بطارفها و احسين اينوح الحالتها

شكوتها الوالد جن يسمع جسمي ايكلها اليوم اتقطع

اشلون أوصل و اشلون آنه ارجع و أعضاي الوادم قطعتها

قطعتها و هم نحلت جسمي نتغسل يبويه ابدمي

وحدي ابغربه و محد يمي و اعهودي الوادم خانتها

خانتها و محد ينصرني و الجيمان ابتعدت عني

ياريت و عمج ينظرني و يشاهد جثتي السلبتها

سلبتها الناس الدجاله محد باجر يرحم حاله

خلي ايرد ابظعن اعياله هالوادم نقضت بيتعها