مسلم لاح ظهر الغوج و للكوفه قصد ليها

رايد ياخذ البيعه لحسين امن أهاليها

* * * *

هتف دين النبي بسمه و منه اشلون يتعذر

و عمه البظنك منذوب و هو الليث المشكر

شد للعزم بالله و سار من مكه و قطع بالبر

لجن تم أبو اليمه .... زايد بالقلب همه

يهل دمعه اعله بن عمه

و يدري بغدرة الكوفه و يعرف كل مخازيها

* * * *

وصلها و خط أبو اليمه قراها الخلص الشيعه

مسلم ليكم اتعنه منكم ياخذ البيعه

اليطيع أمري لبن عمي يوده و لمره يطيعه

أوصيكم و طيعوني .... بمسلم قرة اعيوني

منه لا تخيبوني

غريب بداركم يمسي ولا يندل محاريها

* * * *

لمن سمعوا المكتوب و صار الهم بواجي وويد

و كلهم بايعوا مسلم و قاموا يسبون ايزيد

قالوا له يمسلم من عندك اليوم انريد

تكتب لعد والينه .... يعجل بالسفر لينه

و حته ايظلل اعلينه

و دين المصطفه جده و كل السنن يحييها

* * * *

كتب مسلم يبو السجاد عجل بالسفر هالحين

بالكوفه إلك شيعه الغيرك ما تود يا حسين

و لمن وصل مكتوبه قراه و جرت منه العين

صاح ابصوت يا عدنان .... أريد أظعن لعد كوفان

و قوموا ركبوا النسوان

و انته يا قمر عدنان لختك قوم باريها

* * * *

تم مسلم على هالحال بيها يامر و ينها

و اعله الخير و الطيبات و يرشدها و يعلمها

للكوفه لفه ابن ازياد و انقلبت عليه كلها

و ظل مسلم يدير العين .... ما يدري الوجه لا وين