من مصايب كربله شاهدت جم معضله

يا شيعه آنه الباقر إتعرفوني جم صوره شافت بالطفوف إعيوني

كلما يمر طاريها أدمي إجفوني عمري أربع إسنين العده فجعوني

و المدامع هامله شاهدت جم معضله

آنه الشفت بالطف مصايب كثره و شاهدت جدي حسين قطعوا نحره

بعيوني أنظر للخيم مستعره و أنظر أبويي اشلون حاير بأمره

حاير اويه العايله شاهدت جم معضله

اهوايه المصايب لو ردت أرويها و ينفجع قلبي من يمر طاريها

نار الطفوف ابقلبي شيطفيها و هالليله روحي ينعه ظل ناعيها

و الهموم امجلجله شاهدت جم معضله

قوم آل اميه اهموم زادت همي ابكثر المصايب دمعي من دم يهمي

يا شيعه و انحلت مفاصل جسمي ابغدرة هشام السم سره وي دمي