باسمك ينادي ** صوت المنادي

ما يجري دمك ** يا مسلم ** لو احنه يمك

* * * * *

لون بينه الزمن ينعاد نصير بديرة الكوفة

ونشوف الظالم بن زياد على مسلم شاهر سيوفه

يتلفت بين عدوانه وحاير مسلم نشوفه

نقله احنه لا موذاك اليضيف ويغدر ضيوفه

عهدك نحفظه ** خصمك نرفضه

محد يهمك ** يا مسلم ** لو احنه يمك

ما يجري دمك ** يا مسلم ** لو احنه يمك

* * * * *

حزن من يومك الهليوم شكثر مرت عليك سنين

عقب الف وثلاثمية عام واربعة وستين

حضرنه نجدد البيعة مثل كل عام مجموعين

يا ريت وياك بالكوفة يا مسلم جنه موجودين

بروح الاطاعة ** بمعنى الشجاعة

نشدى له عزمك ** يا مسلم ** لو احنه يمك

ما يجري دمك ** يا مسلم ** لو احنه يمك

* * * * *

وحق كل قطرة من دمك وحق كل ذرة من لحدك

لون ذاك الزمان يعود ونشوفك من تحن وحدك

نمد رقاب ونقلك احسبها نذر عندك

نسميه من ابوه الي يناديك ويصل حدك

نرفع صوارم ** بوجه االمظالم

ونتحده خصمك ** مسلم ** لو احنه يمك

ما يجري دمك ** يا مسلم ** لو احنه يمك

* * * * *

بعهد ثابت نمد نحور الك نجعل سور وصد

وتحيطك مهج وارواح وشحده اليدوس الحد

يا مسلم النه بالمنطق ثوابت بيها نتحدد

اليجور عليك مو مسلم هذا خارج ومرتد

نثبت نقاوم ** كل طاغي ظالم

شحده اليظلمك ** يا مسلم ** لو احنه يمك

ما يجري دمك ** يا مسلم ** لو احنه يمك

* * * * *

طفح بحر القهر بينه وغرقنه بموجة الاحزان

ضمايرنه جمر تنزف مثل ما ينزف البركان

يا مسلم يا من مصابك يخاوي الدمعة والنيران

قضيت بديرة الغربة بلا ناصر ولا عوان

هم الحملته ** وحدك جرعته

ما يبقى همك ** يا مسلم ** لو احنه يمك

ما يجري دمك ** يا مسلم ** لو احنه يمك

* * * * *

يا مسلم ما أجل واعظم مصابك يا نزيه الذات

الك من عندنا ما تنشف جمر تتفجر العبرات

متت لكن مجد يومك يظل شامخ وابد ما مات

رموا من على القصر جسمك عقب ما هدته الطعنات

جسمك تهاوى ** بجور وقساوى

ما يهوى جسمك ** يا مسلم ** لو احنه يمك

ما يجري دمك ** يا مسلم ** لو احنه يمك

* * * * *