حنوك من دم رگبتك يبني يا محروم .... والأمر محتوم

طيور الشهاده زفتك والعرس بالجنه

من الحسن جاسم وديعة وعد عمامه يدللونه

ومن وصية الحسن جاسم بالطفوف يعرسونه

ارد ابشر الحسن بابنه وبالعرس گرت عيونه

عجنت الحنه عمته....... وصيوان عرسه زينته

ولن رمله تنده ياخوته .... لولدي لا تزفونه

وصيوان عرسه بكربله لا تنصبونه........ ولا تحنونه

من هالعرس گلبي لسبني وانگطع ظنه

-----

بالخدر هلهلت رمله وگامت تحشّم ولدها

وجدمت لامات حربه ولزمت المعصب بيدها

وهلهل بوجه التحشم نور من چوچب سعدها

ناداها هودي وهوّدي.... يرضيچ سيفي وساعدي

حياك نادت يولدي.... لهفة أمك ردها ردها

بالكون اريدك تثبت وتنعم عيوني ..... وخل يفجعوني

وإنت بزفاف النصر يامرتوب تتهنى

------

بشر واستبشر دليله وانتخه لمدلول لمّه

وازهت بوجه الفراسه وفتشت وردة الهمه

وهاجت بجسمه الحماسه وصورت عالكون دمه

ورمله إندهت ومهلهله ..... يا هلا بجاسم يا هلا

يابني واريد بكربله.... تسر گلبي وتجلي همّه

وللحرب تلبس يا شباب الحرب لامات......سدر الغارات

وتنزف على الميدان يبني بليلة الحنه

-----

چني بحسين يتثمل موقف الحره ويه بنها

وتشد عزمه على الفراسه وتقسم عليه بلبنها

وكثرت حنة شبابه وحنته بدمعة حزنها

صاح ابو اليمه شهالصبر...... مايهون يصعب هالأمر

يا رمله خليه لج ذخر...... والعرب هذي سننها

عدها الوديعه تنحفظ بصبي العيون..... يارمله وشلون

عريسنه بيوم العرس للموت يتعنه

----

هيأت رمله لولدها ورادت لعرسه تشوفه

بالدمع عجنت الحنه وبالنحب فرشت الحوفه

بعد ما تدري بولدها شصار وشعملت الكوفه

عريس إبنها وزفته..... للوغى وتنطر جيته

رد لها وبدم رگبته... جاسم ومخضب چفوفه

صاحت مبارك يولدي بالعرس والدار..... جنه وخلد صار

والحور صيوان إلك يامدلول نصبنه

------

شما تجلد گلب رمله سهم المفارگ فجعها

وضمته بحجر الموده واحنت لجاسم ضلعها

وحزمته بسيف الموادع وزردت درعه بدمعها

كفي الدمع كفي الدمع... يامي ولا تحنين الضلع

ولايكون گلبچ ينفجع....وسكني الروح بورعها

يامي وفطر چبدي الظمه وگاصد الحيدر.... يسگيني كوثر

وچني اشوف الحور صوب العرس نسجنه

-----

جابوا لجاسم عمامه ومددوه بصف الأكبر

وانخبط دمه ويه دمه ونورهم گام يتبادر

طاحت الحره على بنها وصرخت الله واكبر

حنيني من دم رگبتك حنيني... وبدال عرسك بالوفه هنيني

وحرمت عيني النوم ياصبي عيني.....جمرتك بالگلب تسعر

ودعتك الله وارشد وراشد النيه...... للجنه الزهيه

والحور عجنت حنتك والشمع علگنه