جاسم غرد الدلال.... هاك إسمع تغاريده

يذكرك بالوفه وهاليوم.... الوفه حلّت مواعيده

جاسم فرحتي ومفتاح.... گلبي وسر أمانيه

ماضاع السهر وياك....ماضاعت لياليه

ماضاع الثدي الغذاك... ماضاعت مراميه

اريدك ساعة تصغيلي.. وتشوف شعندي من نيه

اريدك تعرف شمطلوب.... وتحلل معانيه

اريدك تلتزم بالسيف... واريد تعيد ماضيه

يامصباح گلبي إرتاح... يانغمة اناشيده

جاسم يا أمل گلبي... سمعت گلبي ومضامينه

وعرفت شمگصده وشيريد..... منك حسب تمكينه

صاحبتك سنين سنين..... والأيام تطوينه

وچنت مسودنه بهواك.... وتحدت امامنيه

وإحنه الشوگ والنسمات... تاخذنه وترد لينه

كبرنه وكبرت الأيام... واخضرت مراعينه

يامصباح گلبي ارتاح.. يا نغمة اناشيده

تحديت الزمن برباك.... وصرعته بقوة الإيمان

وبدروب العقيده نسير... وإنت لمشيتي عنوان

على مهدك حنيت ضلوع.... وإنت الروح والوجدان

أشوف الحسن لو شفتك....اشوفك والگلب فرحان

وبنيت آمال فوگ آمال.... وغذيت بسبي الإحسان

ونورك نوّر الدنيه.... يوردة هاشم وعدنان

يا مصباح گلبي إرتاح يانغمة اناشيده

بوجودك ضميري إرتاح..... يا شمعة التضويلي

ماساهرت لأجل رباك... يالسهرت هدم حيلي

چنت أطوي نهارالليل.....وأفرح من يجي ليلي

أحب ليل السمر وياك....بداية عمر تحچيلي

احب كل لفظه اسمعها..... واحب نغمة تراتيلي

وعلى ذراع الحنان تنام..... واردد وإنت تصغيلي

يا مصباح گلبي ارتاح يانغمة اناشيده

يجاسم والليالي تدور.... وإحنه ندور وياها

يجي ليل وليال تروح.... ونتمشه على ممشاها

نودعها وتودعنه..... ونتهنى بمزاياها

وشمعة ناظري ومعناي... يريح الكدر طفاها

حرمني من الحسن دهري... وهدم بيتي وتعداها

مصايب صابت الدلال.... من اشوفك چنت اسلاها

يامصباح گلبي إرتاح.... يا نغمة اناشيده

عگب عين الحسن ظليت.... أجاهد والوفه بجهدي

وريد اليوم بيه ترتاح.... وتسر براحتك چبدي

وانوّر لك طريق الخير.... وبيه تسير من بعدي

وتنگل صفحة التاريخ.... وتبني مجدك ومجدي

لگيت اللي يريده الروح...لگيته الگصدك وگصدي

لگيت السعد والتوفيق.... والحظ خيموا عندي

طريق الغانمه مفتوح.... ينور سماء الدين

إقدم إقدم على الموت.... واتبع سنة الماضين

بنوا صرح المجد بالسيف.... سچبوا راحة الدارين

طيب المرضع بإيمان.... گلبك والأمل بحسين

خلد بالدهر ذكراك.... يالذكرك حياة الدين