يردونه يردونه ...... والولد يردونه

للحرب والعازات .... وبظلام الشدات

والولد يردونه .... شمعه ويعلگونه

-----

شان الحمايل بالأنساب يفحصونه ..... منجم ولدهم ..... حتى يلزم حدهم

وعالموت لو رادوا عمامه يكدون .... يكد بمكدهم .... مايعگب عن كدهم

وبالثمر لو رادوا هله يتهنون ..... ريحانه عدهم .... بالشباب العدهم

يشمونه يشمونه ..... ورده ويشمونه

بالورد مثلناه .... والشباب إشمحلاه

ورده ويشمونه .... شمعه ويعلگونه

-----

والولد لو مثل عمامه وگومه ........ينشكر جهده .... والسعاده بجهده

شد يبني والكد واستعد للحومه .... ولگلبي ركده ... والشجاعه تركده

وعند الحمايل ما تضيع علومه .... من يوفي بعهده .... والشهاده بعهده

يشكرونه يشكرونه .... نشمي ويشكرونه

من خواله معرب ... من عمامه مدرب

نشمي ويشكرونه ... شمعه ويعلگونه

------

جاسم صنت لمه وسمع ملفظها .... وثمن لفظها ... وللمحاسن فضها

ناداها روحي لنخوتج عارضها ... بسوق المنايه ... تزهر بمعرضها

والطاعتج يمي عليّ فارضها .... إي والفرضها .... والثدي الفارضها

يصفونه يصفونه...... المرضعه يصفونه

والحليب الصافي .... الرضع منه يوافي

المرضعه يصفونه .... شمعه ويعلگونه

----

صد لاچن إشصد ما تنشدوني إشصد .... لمه وتبسم ... يا حلاة المبسم

شد وتخيل چنه حيدر لو شد .... عالحرب دمدم .... چالحسن لو دمدم

وكد مثل الأكبر عالجحافل من كد ... جاسم تغنم ... بالحسين تغنم

بعيونه بعيونه .... والغضب بعيونه

هاشمي وما ينجاس .... مثل عمه العباس

والغضب بعيونه .... شمعه ويعلگونه

------

يبني يجاسم نخوتي تسلمها... وگوم بعزمها..... وللحرايب زمها

عيناج عيناج ولدج يردمها ..... ورمحه اليطشها .. وعلى السيف يلمها

وكل غانمه المايندرك مغنمها .... كون أغتنمها ... وبسمج أتغنمها

يربونه يربونه ... والهله يربونه

يلتزم حگ ارباه .... والوفه ما ينساه

والهله يربونه .... شمعه ويعلگونه