1 انجرح گلبي ابجرح ما بعد ينشال

2 أو عسه چف الدهر يحسين ينشال

3 راسك فوگ راس الرمح ينشال

4 عجيبه أو جثتك فوگ الوطيه

1 يا هو اللي يسلي الگلب يومل

2 أو يا هو اللي يباري العيس يومل

3 عله الدنيه العفه ناديت يومل

4 طحت من عالمهر فوگ الوطيه

غريب و دوم إليَّ ادموع يحسين

و من أذكر اجروحي بألم يحسين

أزورك من بعد جم دوب يحسين

و يحن قلبي و أقوم أصفق بديه

مثل بيت الله قبرك صار يحيى

و مثل عيسى و جودك صار يحيى

رفع راسك يشابه راس يحيى

و مثل موسى صعق جسمك رمية

دليل بموجة الأهوال ينهل

شفتها و من رداها الطيب ينهل

إجت روح الأمين بدمع ينهل

و تحن ما حنت الثكلة الشجية

علي جور الدهر جالغيث ينصب

هبطت آنه و عليّ الندي ينصب

يا هو القال مثل حسين ينصب

على ظهر المهر سهم المنيه