يا كرار حبك صار مثل الدار يجمعنا

جربناك و اعرفناك من ننخاك تسمعنا

بإسمك كل موالي صاح يا كرار يا كرار

**********

جنا نقول لو طحنا شتداوي الجرح يكثر

بيك نلوذ و نحشمك و انته البالشدد تحضر

يالمخاب كل حاير لو حشمك يا حيدر

جربناك و اعرفنا واقع هذا ما يُنكر

يا أبو حسين يالوجهك خلة الدنيا تتنور

راح الليل و همومه يالبيك كل فجر أسفر

شفنا الويل الويل ويا الليل و أشباحه

هذا النور النور بيك ينور مصباحه

غيم النايبة تنزاح يا كرار يا كرار

***********

طيفك غاب من عندنا صحنا اشمصعب غيابك

جنا نقول يا حيدر يمتة نقبِّل أعتابك

يمتة تزول هالغيمة نرجع نلثم ترابك

هاي سنين نتمنى نرجع نوقف ببابك

يا كرار و الباري حقق طلب أحبابك

كل غيوم كل محنة بدّدها صدى جوابك

يا محبوب محبوب كل قلوب فرحانة

و العذال العذال من هالحال حزنانة

باسمك تمت الأفراح يا كرار يا كرار

**********

جان يقول عاذلنا جلمة و غِدَت من عنده

حيدر وين يالقلتوا حيدر يحضر الشدة

صار سنين ما يسمع نخوتكم و هو بلحده

و إحنا نقول إي و اللي كل هالوادم تعبده

مهما صار يالعاذل مهما طالت المدة

لابد يوم يدركنا علي و للحاير يسعده

بالشدات الشدات وحي الذات معروفة

حامي الجار حامي الجار للحاير ميعوفة

و ابتشرت مهج و أرواح يا كرار يا كرار

***********

تمت بيك و اكتملت يا داحي الباب هالبشرى

من أعوام يا حيدر أمل بالروح ننتظره

و بيا حال عشناها انته يا علي أدرى

هاي اسنين صار النا نحوم لشوفة الحضرة

و المعبود بارينا حقق باللطف أمره

وعدك حان ويانا و نجيك بروح مبتشرة

يا ما تنور تنور وجهك نور للأمة

و تناديك تناديك تمت بيك هالنعمة

بيك انزالت الاشباح يا كرار يا كرار

**********

بالقرآن يتوضح نورك نور بارينا

و الآيات تشهد لك يالبيك اكتمل دينه

و المعبود بوجودك تمت نعمته علينا

للمختار وجدانك روحك روح هادينا

بايعناك و امتدت إلك بالحب أيادينا

جينا بشوق و نزورك يمن حبك يبارينا

هالزوار الزوار ليل نهار تتوافد

عالميعاد عالميعاد و الأعداد تتزايد

حبك للخلد مفتاح يا كرار يا كرار