الدنيه غداره يا أرباب العقول اتقو شرها بأهل بيت الرسول

الدنيه يوصفها ولينه بالممر لاهي دار باقيه و لا مستقر

لا مفر الموت منه لا مفر تنتهي الدنيه عمرها اشما يطول

الدنيه غداره و لا عدها وفه اتقو للشر يا أهل المعرفه

بحب نبينه و أهل بيت المصطفه اتأمن بدنياك و الشده تزول

بأهل بيته ووالد العتره علي و صيح بأسمه اتشوف همك ينجلي

الدنيه بعيونك تشاهدها اتحلي من تسير بسيرته فحل الفحول

عوف روجات الدهر و املاطمه و اجتنب حر السعير الحاطمه

فاطمه عندك محبة فاطمه جُنه من النار فاطمة البتول

و الليالي اشما جفن بيك و قسن هو نفسك لا تسلمها الرسن

جالحسن راويها صبرك جالحسن و الحلم و الصبر مفتاح الحلول

الدنيه خداعه تره و منك تريد اتبيع دين المصطفه و تتبع يزيد

لا تغرك اتبع احسين الشهيد الما رضخ ليها رغم حد النصول

الدنيه لو رادت تجرك للفساد حيد عنها و اتجه صوب الرشاد

و اتخذ نهج الورع زين لعباد بالصحيفه طالع و شوف اشيقول