صافن ابجف القلم حاير خجول و اللسان انعقد مدري اشماله

و صاح وحي الشعر يا شاعر شقول عن التلوذ الشمس بخياله

انولد نور ابن النبي الهادي الرسول و شعت الدنيه و غدت تتلاله

هذا نور الحارت ابوصفه العقول و من يوصفه اشما يدور اباله

أبو محمد هذا مشكاة الأصول و الشرف صلب الصلب يبراله

هذا بن خير النسه الزهره البتول و المدح منسوب إله و يحلاله

و اللي ينكر هالنسب هذا امهبول خايبه و مثل السراب آماله

يالتريد الجنه و اذنوبك تزول صفي نيتك و الرضه اتعناله

تلقي ديوانه الوصف عنه يطول و بالشفاعه اتفوح دوم أدلاله

نحتفل و انريد من الله القبول و كل شخص بينه يجازي أعماله

الليله الليله نفكس عين كل شامت عذول بصبع الخوه المجرب فاله

احنه شيعة حيدره فحل الفحول و عدنه سطره ابكل وكت جتاله

علي الأول و البقت كلها ذيول اشحدها لو توصل الشسع انعاله

إسأل الخندق و صفين اشتقول و عمر ابن ود من قدر يدنى له

جان فارس بطل ويصول و يجول و علي ابضربة سيف شل أحواله

يظل حبنه العلي ثابت ما يزول و آخره و دنيه نلوذ ابجاله