لمصيبتك يا المختار نبجي و نون ليل انهار

يا والد الزهره امصاب فقدك علينه يصعب

كل قلب من عدنه انصاب و الدمع لجلك ينصب

خانوك بعض الأصحاب لجل الطمع و المنصب

خلونه قوم الأشرار نبجي و نون ليل انهار

بعدك عدل مو مفقود صار الخصم يتأمر

عل القبله بعدك ممدود من خالفوك أهل الشر

عالأول اتريد اتعود خالفوا منهج حيدر

و خلوا شملنه طشار نبجي و نون ليل انهار

نصبوا سقيفه العدوان يالمصطفه ابنفس اليوم

نكروا نصوص القرآن صارت عله الفتنه اتحوم

حاربوا داحي البيبان و انعرف أول مظلوم

و انظلم حماي الجار نبجي و نون ليل انهار

انت ابحياتك وصيت و اخطبت و الكل تسمع

ناديت حيدر ناديت نوره عليكم يسطع

شافت محن أهل البيت حامي الحميه اتصدع

و انغصب حق الكرار نبجي و نون ليل انهار

و الفاطمه آذوها شقوا سند ضيعتها

و انظلمت وضيعوها الله من ضيعتها

و من الفدك منعوها و محد سمع صيتها

جنهم يطلبوها ابثار نبجي و نون ليل انهار

غصبوا خلافة حيدر ما جنك اموصيها

و الفتن صارت تظهر و الحسد أثر بيها

و النار ظلت تسعر و بالحقد متوليها

هجموا عله باب الدار نبجي و نون ليل انهار

من بعد كل هالأعمال كسروا ضلع أم احسين

خلوا دمعها ينهال أم الحسن عالخدين

وصيت خير الأعمال بالصبر يحفظ هالدين

و امصابه مثله ما صار نبجي و نون ليل انهار