يا زهرتي القطعوها ... فوق الترب نثروها

بالآم ... غابت روحي ... يا جسام ... غابت روحي

يا بني يا جاسم يا ثمر دلالي ... يا زهرة أحلامي و يا مسرة حالي

غذيتك ابدمع الموده الغالي ... و اعقدت يبن الحسن بيك آمالي

يبن الحسن تدريني ... يجري الدمع من عيني

امن الظلام غابت روحي ... يا جسام ... غابت روحي

ظنيت أشوفك بالعرس تتهنه ... ما أدري من دم النحر تتحنه

و قلبي يجاسم لو تناشد عنه ... بس النحب و النوح تسمع منه

أجري الدمع مو بيدي ... افراقك صعب يوليدي

اويه الأيتام ... غابت روحي ... يا جسام ... غابت روحي

يبني يجاسم يا أعز من الروح ... محد يحس بالجرح غير المجروح

ياريت نحري قبل نحرك مذبوح ... و لا شوف دمك عالترايب مسفوح

بالقلب شبت ناري ... و عقبك تهدمت داري

قلبي انضام ... غابت روحي ... يا جسام ... غابت روحي

ساهرت من أجلك ليالي و أيام ... و اتحملت برباك لوعه و آلام

حسبت أشاهد زفتك يا جسام ... ما أدري تالي اتخيب هاي الأحلام

خابت اليوم أحلامي ... لمن طحت جدامي

بها الأحلام ... غابت روحي ... يا جسام ... غابت روحي

شمعة شبابك بالحرب طفوها ... و جمرة امصابك بالقلب شعلوها

زفتك صارت مثلما رادوها ... و اجفوفك ابدم النحر حنوها

لا أقدر أحمل ذله ... و محد يداوي العله

من الأسقام ... غابت روحي ... يا جسام ... غابت روحي

يا جاسم ابصوت المصايب ناديت ... لو أدري مني اتروح بالطف ماجيت

بديار غربه عقب عينك ظليت ... و بيتي انهدم من طحت يا سور البيت

خابت عليك آمالي ... و انهدم بيتي العالي

عل الإكرام ... غابت روحي ... يا جسام ... غابت روحي

حسبت أعلق لك لعروسك شمعه ... ما أدري هاي الشمعه تصبح دمعه

ابدار الغرب ياريت صوتي اتسمعه ... ناديتك و حالي تغير وضعه