شمعتك يا جسام بدموعي طفوها

يا ثمر دلالي ياالواحد الغالي

يا وردة آمالي يا وسفه گطعوها

يبني اشكثر عديت لصيارك اتربيت

و ابزفتك ظنيت أمك يهنوها

جاسم يبعد أمك يا ورده و أشمك

يوليدي من دمك حنتك عجنوها

ما أمل من نوحي و لا تنشف اجروحي

و من شوفتك روحي يوليدي حرموها

يالصوبت جبدي غيرك أنه اشعندي

بين العده وحدي أمك تولوها

يوليدي الأمك گم ظلت غريبه اتحوم

هجمت علينه القوم و اخيمنه حرقوها