آنه أمك بدمع الصبر ربيتك

الهذا الوكت يبن الحسن ضميتك

اوحيد أصبح يا جاسم عمك

گوم انزل بثوب الحرب للحومه

و العرس يبني گوم ذب اهدومه

يوم الوفه يبن الحسن حل يومه

گوم اكتب تاريخي بدمك

نصبت لك اجفوف المنيه الصيوان

خل العرس يوليدي وسط الميدان

هذي عمامك زفتك و الشبان

زفيتك بدموع اعيوني ...يا جاسم لا تخيب اظنوني

ناداها يمه اعليمن اتصويني

و اشلون دمي ما أرخصه الديني

لازم بدمي امخضب اتشوفيني

صاح و جرد بيده الصارم