يا سيف الطبر والينه.....جرح المرتضى ماذينه

يا سيف استمع صرختنه.....جا ليش اطبرت عزتنه

هامت حيدرة هامتنه.....و مرامي المرتضى رامينه

يا سيف القلب فطرته.....و المدمع دمه فجرته

كيف تجرأت صوبته.....و اجريت الدمه امن اجبينه

يا سيف الدمع عالوجنه.....يحرقها و يزيد الونه

نتمنه الأجل نتمنه.....من غاب الوصي يلفينه

ما بين الحزن والدمعه.....نكبات الدهر مجتمعه

دين الله ينوحن شرعه.....للمحشر يظل بونينه

من شفنه الكواكب تنحب.....من عدها المدامع تنصب

وتصرخ عزنه ليش اتصوب.....جا ليش بدمه امخضبينه

و الخله دليلي بروعه.....أيتامي و جوتها اللوعه

تنحب يا علي مفجوعه.....بعدك منهو يرأف بينه

يالما تممت لصيامك.....ضجت بالنحيب أيتامك

بس ما تنقضي أيامك.....يا عيد اليمر اعلينه