سيف الله انطبر بالسيف..............و اتخضب ابمحرابه

و أظلم كونها لفرقاه..............ماج العرش لمصابه

*****

طلعت صارخة اشبولك وللمسجد لفت يمك

لنك يا وصي الهادي خضيب الشيب من دمك

تصفج وسف بالجفين

لفراقك ينور العين

رفع راسك وشاله احسين

قام ايجلب ابجرحك..............وشد راسك بالعصابة

*****

هاشم خل تجيم النوح و اتعمر مياتمها

لف القدر رايتها و فل احدود صارمها

و راح الجان للعدوان طيب النوم حارمها

و راح السيف المجرب

لو طب للحرب و احرب

راح الي طبر مرحب

وهز الحصن بيمينه..............و ابعزمه شمر بابه

*****

يا موت الزلم ياليل يالمنه يهاب الموت

ياجاذب ارواح اعداه يوم الحرب يا لاهوت

اشلون اجدام المرادي لعد حدك تصل و تفوت

و انته البالحرب فتاك

حتى القدر ما يدناك

وتشهد لك مواضي اعداك

يوم الجندلت بن ود..........وسيفك شتت احزابه

*****

حدك جمر يتواقد ومن يقدر يصل حدك

وانته الموت يوم الكون طايع لامرك و يدك

كل من يسمع ابطرواك يرجف خوف من عندك

جيف النذل ما هابك

و اتقرب المحرابك

جرد مرهفه و صابك

وشيبك يا شديد الباس..............صار ابدمك اخضابه

**

نعاك الروح يا حيدر وسمعت ناعيه ام جلثوم

تصرخ لفت لاخوتها و من عدها الجبد مالوم

صاحت يالعلي والله يطيب الكم يه خوتي النوم

و ابونه انجتل بالمحراب

وابسيف المرادي انصاب

يبو محمد الداحي الباب

قوم وعاين الراسه..............وشد يبن امي صوابه

***

أسمع بالسمه جبريل قام يصيح وينادي

اتهدم ركن دين الله لمصيبة وصي الهادي

ابو الحملة وقع مصيوب راسه بسيف المرادي

لاجله انهدم ركن الدين

يا وسفه اعله ابو الحسنين

راسه ينجسم نصين

و اتكور ابمحرابه...........و دمه خضب اثيابه