يا كرار يا كرار بارينه عظم أجرك

إي و الشموس التسري و حق دمك اللي يجري

يا با الحسن ما ندري عن يا مصيبه انخبرك

إنته الشهاب الثاقب يا أسد ربنه الغالب

اصبرت و حملت امصايب مل الصبر من صبرك

لو ما ضلع للزهره جف الزنيم يكسره

ما جان دم الطبره يجري و يسيل ابكترك

من طبرتك يا حيدر دم لحسين اتفجر

و بقطع ذاك المنحر قطعوا يحيدر نحرك

شبلك تغسل بالدم و قلبك عليه اتألم

ما ندري صدره اتهشم هذا التهشم صدرك

و اللي تكفل زينب ابدم الكفاله اتخطب

نوره ابدماه اتغيب و عالشاطي غيبوا بدرك

بالطف شبيه المختار دارت عليه الأشرار

لو جنت يا حامي الجار لا شك أميه اتوذرك

جاسم ربيب الهمه شاب و تحنه ابدمه

راسه انفصل عن جسمه و افجعك و انته ابقبرك