بمصابك يا با الحسنين لحسين انواسي الليله

بيمينك دين المصطفه يا مرهون يا نقطة باء البسمله و قطب الكون

بمصابك يا سر الإله المكنون شيصبر دلال احسين بيك انفطر دلاله

شيصبر قلبه و ينظر الجتالك و الطبر راسك يتم كل أطفالك

حال اليتامه الليله ايروع حالك حال اليتامه و الدين و الحال أمر من حاله

و احسين الليله للمآسي اتحذم و باليجري ابدونك عالهواشم يعلم

للحره ايصبر للحسن يتألم شد إيده ابيد العباس حامي الحرم و اعياله

و احسين ابعقيك قلي شيظل عنده يا عله اليداوي يا جرح ليضمده

لو جعده ايقطع سمها الحسن جبده و اشلون ايشوف المسموم مطروحه اجبوده إقباله

و اشلون ايشاهد للعلم راعيه حامي الضعينه و حماي الحميه

جفينه ابشاطي العلقمي مرميه مصيوب السهم بالعين لا واحد اليبراله