يا وجودي و منطلق إيماني بسجل حبك سجلت عنواني

يا علي مكتوب اسمك بالقلب و اسلكت نهجك على سلم و حرب

يا علي و هيهات أغير هالدرب بنهج دربك والدي وصاني

والدي وصاني أمضي بسيرتك و غايتي معقوده من سر غايتك

و آية العشاق صارت آيتك و شهد بيها العالم الإنساني

يا علي ما أخلف اوياك بعهد الحبك بدلالي من هز المهد

و اليواليك اهتده بدرب الرشد ياللي اسمك ترجمة قرآني

إنته للقرآن أصله و منهجه و التمسك بيك يا حيدر نجه

و اسمك السان الموحد يلهجه بآيتك كلبي نطق و الساني

استأرثت هاي المحبه من هلي و أمي غذتني الولايه يا علي

و غيرك بهالكون ما واحد إلي يكشف من الكلب ثوب أحزاني

إتراب احنه يا علي و انته الذهب عالعهد واضح و عاللوح انكتب

و الذي من كلبه إيمانه انسلب لو لفظت بهاللفظ عاداني

يا علي إنته الأصول الثابته و إنته للمعبود روحه و آيته

و اليعاديك انشد إعله الرضعته بهالمعاجز قدمت برهاني