وينك يا داحي الباب.. بويه يا بويه .... صار أظلم المحراب ..بويه يا بويه

لمصابك اهتز العرش يا ضرغام .... و أولادك بهاليوم صاروا أيتام

هالليله ليلة نايبات و آلالآم .... يا علي و جرح البقلب ما يلتام

و الحسن عقبك صاح .... بويه يا بويه

و سور المعالي طاح .... بويه يا بويه

و غاب البدر هاليوم .... شيصبر المهموم

أشرح الحاله ابدمعي يا حامي الجار .... جم قلب من عقبك يحيدر محتار

قلب الحسن بالهضم يتلاهب نار .... و احسين هايم بالحزن يا كرار

اسمع اشصاح احسين .... بويه يا بويه

و عقبك أتوجه وين .... بويه يا بويه

هذا حال المظلوم .... شيصبر المهموم

زينب يا حيدر هالحزن داهمها .... ريتك يبو الحسنين حاضر يمها

ذايب قلبها و الدهر يتمها .... علمها عالهم و الهضم علمها

اتصيح بقلب مجروح .... بويه يا بويه

عندي ما ظلت روح .... بويه يا بويه

و قلب العقيله ايحوم .... شيصبر المهموم

يا بالحسن بيدك مدار الأكوان .... يا وسفه تتوسد ابين التربان

بكل قلب شبت يبو احسين النيران .... و للحشر ما تنخمد نار نار الأحزان

جم قلب صاح ابصوت .... بويه يا بويه

وسفه اخضعت للموت .... بويه يا بويه

فوق القلب مرسوم .... شيصبر المهموم

صاحوا أيتامك يا علي ما ننساك .... لو ترضه نتوسد بقبرك وياك

يا ريت دمنه ايسل من قبل ادماك .... و لا نعيش ساعه من الحياة بفرقاك

ريت العمر لا طال .... بويه يا بويه

و شيصبر الدلال .... بويه يا بويه

جرح الجبد مالوم .... شيصبر المهموم

تاهت بفقدك يا علي أفكاري .... و بطبرتك طاح و تهدم داري

أصرخ و أنادي ابدمع عيني الجاري .... للموت ما تنخمد جمرة ناري

و بالقلب جمرة نار .... بويه يا بويه

و أصرخ اشصار اشصار .... بويه يا بويه

اشلون أصبر اعله اللوم .... شيصبر المهموم

نداء السمعته امن العقيله يظهر .... نادتك عقبك ما أقدر

ما ردت عالهم و الهضم أتصبر .... نوبه أنظر اجيوش النوايب تكثر