يحسين للدين أنت روحه وذاته دمك كتاب الله حفظ آياته

يحسين يالنحرك طفح خير وجود قدمت كل ما تمتلك للمعبود

نهضتك عالطغيان ما إلها حدود نكست بالطف للظلم راياته

خالد يظل مجدك ابطول الأزمان والدنيا لبست إلك ثوب الأحزان

كل قلب يحسين إلك صورة ونيشان يومك أبد ما تنسي مأساته

رايت حزن طول الدهر مرتفعه صوتك يظل طول الزمان أنسمعه

أبأوصافك أوصاف الرسل مجتمعه و الكون تتسافح إلك عبراته

يحسين أنت العبرة و أنت العبرة بالعبرة يتوضح شعار الثورة

بالعبرة يزداد اليحبك أجره و المحب يطفي جهنم إبدمعاته

يالخمدة نار المظالم بالدم دمعتنه لمصابك تطفي جهنم

عاشور بحر الحزن و افواج الهم غرقت اقلوب الوادم ابموجاته

يحسين يالدمك رسم نار و نور تسري ابضمايرنا مصيبة عاشور

لجلك حزن طه وكتابه المسطور حيدر على امصابك يجر حسراته

لمصيبتك ناح الملك جبرائيل ظل الحزن ينتقل من جيل إلى جيل

عيسى إلك يبجي و ينوح الأنجيل موسى على فقدك تنتحب توراته