عتب عدنه ......... حشه اتردنه

علي يا حاضر الشده

عتبنه يا علي انوجه ... و نكتبه بلوعه و بدمعه

يبو احسين اشيضمدها ... جريح البلقلب وسعه

نحن و اللي يحن تدريه ... الدمع طول الوكت طبعه

شملنه يا علي اتشتت ... و نريد بجاهك اتجمعه

تعذبنه ............... تغربنه

علينه طالت المده.... علي يا حاضر الشده

حنين ايهدنه ليليه ... بعدنه بلهفه نتمنه

الزمان الكبرك ايردنه ... علي يالحضرتك جنه

بعد لسه الأمل موجود ... بعدما خابت الظنه

هذيج الساعه لو صارت ... زحف يالوالي نتعنه

اليحن كلبه ............... الأمل دربه

يحقق غايته العنده .... علي يا حاضر الشده

بجوارك يا علي عشنه ... جزت من العمر فتره

تغربنه و بعدنه انحن ... الزمان اللي مضه نذكره

نذكر و الدمع يجري ... تشب بكل كلب حسره

و نحسب للفرج ساعات ... صبرنه النافذ انطره

حسبنه اشقد ............... جزينه العد

صبرنه هلوصل حده.... علي يا حاضر الشده

ظلم عنك تبعدنه ... بظلم لمن تشتتنه

سبب هذا البعد تدري... نتج عن سر محبتنه

التكرهك يا علي ظنه... تموت بغربه فطرتنه

شريفه الفطره ما ماتت ... و بعد زادت محنتنه

اليحب لازم ............... يظل عازم

يوافي اويه الذي ايوده .... علي يا حاضر الشده

رضعنه من الطفوله احنه ... محبتك من ثدايه أمنه

رجوله و طيبه غذتنه ... يحيدر تسري وي دمنه

يا حيدر عن وعي و فكره... درس منك تعلمنه

حرب ويه اليحاربنه ... و سلم ويه اليسالمنه

الك شيعه ............... عله البيعه

ثبتنه و نبقه نتحده .... علي يا حاضر الشده

اليتامه يا علي الليله ... تنوح و تبجي لمصابك

بعد من ينشد اعليها ... بكت مهضوم بغيابك

تگول اشلون ابن ملجم ... تجاسر يا علي وصابك

و عنك تشهد الحومه ... الزلم يا حيدر اتهابك

السمع صيتك ............... ربه ابيتك

عليك اتجاسر اتعده.... علي يا حاضر الشده