إلهي إنجان ماردن لعد حيدر إخذ روحي عله افراكه بعد مكدر

يا ربي اسنين أناديك و يرد صوتي أنا اتمنيت بفراك الولي موتي

اخلصت روحي و صفالي جسمي تابوتي و كلبي للغري بفقد الولي يسعر

و يسعر للغري كلبي و تهل عيني يبو الحمله اشقطع ما بينك و بيني

يبو الحمله و عسن لا طالت اسنيني و عسن لا صرت بغيابك و له أتصور

بغيابك ماتت البسمه عله اشفافي و حملة اهموم هجرانك عله اجتافي

مو كافي البعد يا الوالي مو كافي أنه بفركاك أعمه و ناري تتوجر

أنه بفركاك ليلي ما طلع صبحه أنه بفركاك طير و منكسر جنحه

أنه بفركاك كل ساعه أنذبح ذبحه و كل ساعه أنطعن يالوالي و أتوذر

و كل ساعه انطعن و اتطشر و ألتم مثل اليفكد بكل ساعه خال و عم

و ما يصبر دليلي لو أبجي من دم دليلي اشتاق الك و اشلون يتصبر

تموت القاع لو ما شافت المطره و يموت الطير لو ما يرد للشجره

نموت انموت لو ما نرد للحضره و ما ظن يا علي الايام تتكرر

يا حيدر علي ما ظن يعود الفات من جنه نجيك و نسجب العبرات

اشلون أنساها يا حيدر يبو الحملات