تنزف دماء الرسل من طبرتك هزت كيان العالم امصيبتك

علي علي علي يا علي

دمك الطاهر يا علي من نزف لليوم ظل يتموج و ما نشف

سجل صحايف خالده للشرف و اتخضبت يا بالحسن شيبتك

بمحرابك الدين الحنيف انصرع سيف ابن ملجم فوكَ راسك وكَع

يالدمك بعين الدنيانه انطبع و انفجعت بهذا الحدث شيعتك

من طحت يا حامي الحمه جنها الكواكب طاحت من السمه

أمست الدنيه موحشه و مظلمه اشلون المنيه يا علي وافتك

جن ما وكَع جسمك يعود الحسن طايح بمحرابك وجود السنن

من كل كتر حلت اغيوم المحن و المدمع اتفجر دمه الفركَتك

تتراجف من إسمك ليوث الحرب و اشلون وجهك بالدمه ينخضب

وشلون تتعفر ابذاك الترب وشلون دمك سال من جبهتك

عجبه يمن بيك المحن تنجلي اشلون اضربك سيف الشرك يا علي

دمعي عله الوجنات دم ايهلي صابتني ريت الطبره لا صابتك